أنواع الباركود: الفرق بين CODE128 و EAN-13 و QR Code

لو عندك منتجات بتبيعها، الباركود هو أسرع طريقة تربط المنتج بكوده وسعره بدل الكتابة اليدوية. بس في أكتر من نوع، وكل نوع ليه استخدام. هنا هنشرح الفرق ببساطة وإمتى تختار كل واحد.

مقارنة سريعة

1) CODE128 — الأكثر مرونة

هو أفضل اختيار لو بتدير محل ومش مسجل في نظام EAN. بيقبل حروف وأرقام ورموز (زي HOT-5090) وطوله قابل للتغيير. أي قارئ باركود ليزر بيقراه بدون إعدادات.

امتى تختاره: كروت شحن، أكواد داخلية، منتجات مش مسجلة، أرشيف.

2) EAN-13 — معيار المحلات الكبرى

هو الباركود اللي بتشوفه على أي منتج في السوبرماركت: 13 رقم، آخر رقم منهم رقم تحقق بيتحسب من الـ12 اللي قبله. لو كتبت 12 رقم في الأداة، البرنامج بيحسب رقم التحقق تلقائياً.

امتى تختاره: لو بتورد لمتاجر أو سوبرماركت أو محتاج باركود بمعيار عالمي معروف.

3) QR Code — بيتقري بالموبايل

الـQR مربع وبيخزن بيانات أكتر بكتير من الباركود الخطي. تقدر تحط فيه لينك لصفحة المنتج أو حساب واتساب أو منيو، وأي موبايل بيفتحه بالكاميرا.

امتى تختاره: عروض، صفحات منتجات، كروت واي فاي، منيو إلكتروني.

4) إزاي تطبع باركود وليبلات احترافية؟

• الحجم: عرض الباركود لا يقل عن 2–3 سم عشان القارئ يقراه بثبات.
• التباين: الخطوط سودا على أبيض — ماتستخدمش ألوان فاتحة.
• الهامش: سيب مسافة بيضا (Quiet zone) حوالي 5 مم جنب الباركود.
• الجودة: اطبع من متصفح بدقة عالية وبدون تصغير (Actual size).

مولّد الباركود بيعمل كل ده تلقائياً: بيضيف الهامش، ويحسب كثافة الخطوط، ويوزّع الليبلات على A4 بعدد يحسبه لوحده.

5) مقاسات الليبلات الشائعة

• 50 × 30 مم — الأكثر استخداماً، 24 ليبل في ورقة A4.
• 58 × 40 مم — مناسب للأسماء الطويلة والأسعار الكبيرة.
• 40 × 25 مم — للمنتجات الصغيرة.
• مقاس مخصص — لو عندك ورق ليبلات جاهز بمقاس معين.

أسئلة شائعة

هل الباركود المطبوع على طابعة عادية يتقري؟

أيوه، طالما التباين عالي والحجم كافي — مش شرط طابعة باركود مخصصة. الأفضل ورق لاصق A4.

هل الأداة مجانية فعلاً؟

أيوه، ومحتاجةش تسجيل، وبتولّد عدد غير محدود من الليبلات وتطبعهم.

أدوات مرتبطة